don’t stop make it pop

IMG_9894

Woaaaaa, tida flyr av gårde! I helga var eg i konfirmasjon til veslebror, som plutseleg ikkje er så liten lenger. I dag har eg levert eksamen nummer to, noko som betyr at det berre er éin eksamen som gjenstår. Den føregår munnleg, noko som eg heilt ærleg synest er heilt pyton. To veker igjen. Kan ikkje gje opp no.

I skrivande stund høyrer det nye albumet til Kygo, som har fått ein miks av forskjellige tilbakemeldingar. Kva skjer med det liksom? Uansett. Denne vekas Skam-episode gjorde verkeleg eit inntrykk på meg. Fy søren, stakkars Noora. Nei, huff. Heldigvis er det ikkje slutten endå, fordi NRK bekrefta akkurat at det vert laga ny sesong av ungdomsserien. Nokre andre som ser på Skam? 

counting down

Graset har aldri vore grønare i år, og med det måtte eg ta ein selfie sjølvfie ute i hagen. Edelgrana er vel for så vidt grøn året rundt, men sidan eg ikkje vil leggje meg ned på bakken og få grønske på kleda, vart det heller slik. Håret mitt har fått lysare striper, og det måtte sjølvsagt dokumenterast.

Gler meg til tre veker har gått, fordi då er eg ferdig med alle eksamenar. Då skal eg feire skikkeleg og heller få litt grønske på kleda. Så skal eg heller unngå å gå til frisøren, men heller la sola bleike håret mitt.

life of april

Dei få dagane som har vore, har eg opplevd både steikande sol, snø og kald vind mot huda. Trur eg skreiv eit liknande blogginnlegg i fjor om at eg var lei av at våren pirrer. Skriv det same i år; no vil eg at våren skal kome for fullt.

Ting eg driv med desse dagar.
♥ Oppdaterer LinkedIn-profilen min 
Berre for å prøve å verke så profesjonell som mogleg. Blant anna har eg redigert vekk septumpiercingen min på profilbildet. Herregud, så teit eg er (nei, fordomsfulle nordmenn er teite).

♥ Skriv metoderapport
Om ei veke må eg sende ein metoderapport frå kollektivet i Bergen, til høgskulekontoret i Volda. Dette er ein rapport om ein radioreportasje eg laga for nokre veker sidan, som blei sendt på NRK P1. Dette er eksamen éin av tre.

♥ Planlegg sommaren
Liker tanken om at det er sommarferie om fem veker. Drøymer om festivalar i juni, for då har eg fri!

♥ Grin av snaptoryane til medstudentane mine i Volda
Denne helga er det Den Norske Dokumentarfilmfestivalen i Volda, og det ser endå kjekkare ut enn fjorårets arrangement (og i fjor var det kjekt, altså).

♥ Sosialiserer med roomie
Ingeborg er snart ferdig med sjukepleiarutdanninga, og skriv for tida bacheloroppgåva hennar. Eigentleg er me ikkje så sjukt sosiale. Me berre skriv og skriv, og et kveldsmat saman (så tar ho bilete av meg til Instagram).

I skrivande stund drikk eg pulverkaffi og høyrer på australsk radio. I går var eg på innflytningsfest, men kebab, Shameless (TV-serie) og ein god søndagsform freista meir. Difor takka eg for meg og gjekk heim att med både god og dårleg samvit. Kjipt, men sant. Kva gjer lesarane mine desse dagar?

a green wellness bomb

smoothie, grønn smoothie

Eg elsker å fylle store norgesglas med smoothie eller juice, og sitje og nyte drikken med sugerøyr. Slurp!

Grøn og frisk bombe 
♥ Ynskja mengd appelsinjuice
♥ 2 selleristenger
♥ 2 kiwi
♥ 1 håndfull frosen spinatputer
♥ 1/4 agurk
♥ Sitrondråpar (valfri)

Bland ingrediensane over i ein blendar eller juicemaskin. Dryss 1 ss med chiafrø på toppen.

rainy days

Livet i Bergen er fint, bortsett frå regnfulle dagar. For tida er eg praktikant i NRK. Det er hektisk, men lærerikt. Av journalistutdanninga har eg lært meir på desse to månadane, enn det eg har gjort på tre år. Praksisperioden er ferdig om tre veker. Det er sjukt. Etterpå er det berre eit par eksamenar igjen. Og kva skjer etterpå der igjen? Veit ikkje.

Det er spennande å ikkje vite vegen vidare, men samtidig saknar eg å sjå fram til noko. Det kan vere ein ferie, ei ny utdanning, jobb eller ein stor fest. Har lesarane mine nokre planar framover?

kvifor Volda er bra for deg som student

Om ein har planar om å studere, men òg vil leve eit sosialt liv, bør ein flytte til Volda. I bygda er det i underkant av 9000 innbyggjarar, men når studentane kjem kvar haust og vår, er det ingen tvil om at Volda vert ei studiebygd.

Høgskulen i Volda er spesielt kjend for medieutdanningane, men det finst òg eit hav av andre studieretningar. Sjølv flytta eg til Volda for å studere journalistikk.

voldaVener for livet
Etter cirka nitten år i ei bygd, var eg skeptisk til å flytte til ei bygd som var endå mindre (var kanskje litt meir nysgjerrig på bylivet, he-he). Nokre månadar etterpå, var eg ikkje i tvil om at dette kanskje ikkje var så dumt likevel. Altså, å flytte frå bygd til bygd (bygd til by er så sjukt keisamt).

Plutseleg hadde eg vener som eg følte eg hadde kjend heile livet. Nesten. Allereie i fadderveka, fekk eg eit inntrykk av at alle eg møtte var i same situasjon; ville finne på ting, vere sosial på kveldstid, henge i kantina og snakke med kvarandre i førelesingspausane. Studentane er frå alle kantar i landet. Sjølv har eg fått meg gode vener frå blant anna Nesodden, Førde, Kongsberg, Oslo, Bergen, Moss, Horten og Volda.

1974230_10152010318291074_6785793818809223147_oSjølve skulen aka Høgskulen i Volda
Til saman er det cirka 4000 studentar ved Høgskulen i Volda (inkludert fjernstudentane). Høgskulen tilbyr 18 bachelorprogram, seks masterprogram, lærarutdanningar, og ei rekkje årsstudium. Campus er ikkje særleg stort, og fordeler seg på fleire hus. Trykk her for å sjå bilete av campus. Skulen ligg cirka fem-ti minutt gange frå sentrum. Nokre delar av campus er heilt nytt, medan andre delar er eldre.

Ved å studere journalistikk ved Høgskulen i Volda, får ein dyktige og erfarne førelesarar, som eg føler er flinke til å følgje opp og bli kjend med studentane. Høgskulen er flink til å “booke” førelesarar frå andre stadar, og sjølv har mediestudentane hatt besøk av folk frå NRK, TV2, norske aviser, internasjonale mediebedrifter, forfattarar og regissørar. Det unike med journaliststudentane i Volda er at dei vert sendt ut i praksis kvart skuleår. Der får studentane arbeide i ein journalistisk redaksjon (både innanfor fjernsyn, radio og avis). Siste året fekk eg vere i praksis i NRK Hordaland i Bergen i nesten tre månadar. Med dette er det ikkje berre denne “gå på førelesing, for så å gå heim og lese”. Det fyrste året eg studerte i Volda, skreiv eg eit innlegg om korleis det var å studere journalistikk i Volda. Trykk her for å lese det.

Høgskulen har òg gode samarbeidsavtalar med internasjonale høgskular og universitet. Ein har difor tilbodet om å studere i utlandet. Eg var i Australia og studerte i mitt tredje semester på Griffith University på Gold Coast. Trykk her for å lese om kva eg studerte her. Kan verkeleg anbefalast. Trykk her for å lese fleire blogginnlegg frå Australia. Ein treng ikkje berre studere journalistikk for å studere i utlandet. Trykk her for å sjå ein film frå semesteret mitt i Australia.

Høgskulen i VoldaStudenthuset Rokken
Rokken er eit samlepunkt for studentane. Rokken Scene er blant anna den største konsertarenaen mellom Bergen og Trondheim. Her kan ein òg finne nattklubb, kafé og restaurant. Eg kan ikkje hugse å ha opplevd ei helg i Volda utan at det har vore arrangert noko på Rokken. Her opplevde eg mine fyrste konsertar med blant anna Karpe Diem, Highasakite, Aurora og CLMD. Elles vert det her arrangert quiz fleire gonger i månaden, disco og festar knyta til høgtider.

På Rokken kan ein arbeide som frivillig, og kan melde seg å jobbe som vakt, DJ, i crew og bar, som teknisk ansvarleg og innan PR. Med dette får ein ei rekkje fordelar, som blant anna gratis inngang på dei fleste konsertar og arrangement, gratis garderobe og blir kjend med mange menneske. I tillegg får ein moglegheita til å pynte på CVen sin.

Studentsamskipnaden for Sunnmøre
Service- og velferdsorganisasjonen er til for at alle studentane i Volda skal ha ein så trygg og effektiv studiesituasjon som mogleg. SfS gjev studentane tilbod om studentbustad (som er billig med alt inkludert), kantine på campus, studenthus, helseordningar, psykologisk helseteneste og studentvelferd som lag- og organisasjonar. Dette er nokre punkt som studentskipnaden tilbyr studentane i bygda. Alle som betalar semesteravgift kan nytte seg av desse tilboda.

volda kartGrønt: sentrum, med kjøpesenter, kafear, restaurantar, treningssenter, butikkar
Gult: fine turløyper
Grått: anbefalt å bu (av personlege erfaringar)

voldaStudentorganisasjonar og festivalliv
Ved å vere student i Volda har ein ei rekkje studentorganisasjonar ein kan vere medlem i. Sjølv melde eg meg inn i Volda Studentradio saman med nokre jenter, og i dei andre åra hadde eg eit eige musikkprogram. I eitt semester var eg òg PR-ansvarleg for studentradioen. Elles kan ein melde seg inn i andre organisasjonar som student-TV, studentavis, revyar, studentidrettslag, studenthus, studentting, også vidare. Frivillig arbeid er gull verd, både for ein rikare CV, gode erfaringar og større nettverk.

Volda har mange festivalar å by på. Kvart år arrangerer studentane blant anna X2-Festivalen, VEKA, Animation Volda, og Den Norske Dokumentarfilmfestivalen, i tillegg til Fadderveka (les eit blogginnlegg eg skreiv etter fyrste veka med mykje fest og moro ved å trykke her).

Til fots overalt
Som student i Volda er det gåavstand til alt. Sjølv har eg aldri opplevd å ha behov for transportmiddel for å kome meg til for eksempel butikk, skule, fest eller liknande. Dei einaste gongane eg har trengt transport, er når eg skal ta fly. Det tar cirka ti minutt å køyre til flyplassen, og det går buss cirka éin gong i timen i vekedagane.

I Volda er det ikkje det største utvalet av shopping og restaurantliv. Dette kan kanskje vere ein stor kontrast om ein er oppvaksen i ein storby, men på ein annan side kan dette vere bra for deg (les: avsnittet under). Om ein vil shoppe, kan ein ta buss til Ørsta (ti minutt reise), eller til Ålesund (nitti minutt). Elles er Volda sentrum utruleg koseleg, med sjarmerande hus og gater.

voldaFordel for økonomien
Som student i Volda opplev ein ikkje å finne kafear, barar og klesbutikkar på kvart gatehjørne. Ved å bu privat betaler ein i gjennomsnittet mellom 3000-4000 kroner i månaden. Nokre betaler til og med i underkant av 3000 kroner. Med dette har ein eigentleg ikkje behov for ein deltidsjobb for at lommeboka skal strekke til. Lånekassa held, liksom (om ein er litt bevisst, sjølvsagt).

Når ein vil mosjonere
Volda har to treningssenter (Stamina Trening og Sprek365), i tillegg til studentidrettslaget. Ein har tilgang på tennisbane, symjebasseng, fotballbane og skatepark. Som alle andre ting, er desse fasilitetane å finne i kjerna av bygda. Elles er det gode turtereng og mange fjell å velje i. Om ein vil ta seg ein dukkert, kan ein bade i Rotevatnet, eller hoppe frå brygga i sentrum.

volda

Lurer du på noko? Ikkje nøl med å ta kontakt – eg blir glad for å hjelpe. Du kan òg besøke Høgskulen i Volda (HiVolda) sin heimeside, ved å trykke her.

in the middle of the scandinavian mountains

DSC_1053DSC_0911DSC_1054//photographs by Jenny Marie Baksaas

Eg er i studentbygda Volda for ei kort stund, og nyter dei siste dagane med journalistvenene mine. Me drikk mange koppar kaffi, deler seng, ser dokumentarar og går på førelesingar saman. Nesten kvar dag.

Litt lenger sør venter ein ny “kåk” på meg, og eg ser fram til å vakne opp i ei seng som er breiare enn 1.20 meter (hadet, fjorten-årgamle meg). Gler meg til å dekorere veggar, golv og store vinduskarmar med plantar, lampar og bøker (som eigentleg berre står til pynt). 

opéra national de paris

For ei veke sidan blei eg tatt bilete av inntil denne grøne døra her. Eg berre: “Denne døra vil passe perfekt inn i feeden min på Instagram,” medan eg gav telefonen min til fotografen (ja, fotografen er ein ven, hehe). Dagane går så utruleg fort, og eg gler meg til å ta fatt i det nye året. Det spennande er at det kjem til å skje store forandringar i kvardagen, og mykje er usikkert. Iiik, skummelt – men kjekt!