25032017: oslo

På laurdag var Nina og eg på buksejakt. Me enda sjølvsagt opp med – begge to – heilt same bukse. To like bukser kvar. Då me kom heim att måtte me sjølvsagt prøve buksene igjen, og me berre hysterisk: “Kor er du William???”. Hehe neidå, no lyg eg. #SKAM

Det me (eller berre eg?) eigentleg sa: “Hanne, du MÅ ta bilete av oss!”.

 

Laurdagskveld feira me 23-årssdagen til Mathilde. Kjekt å sjå fleire jenter frå studietida i Volda. Der blei det evig gode cupcakes, Beat for Beat og lufting av 20-årskrisar. Etterpå tok me turen til Jæger, for å lette på dansefoten.

March 29, 2017
/

24032017: oslo by night

Finnebassen spelte på nattklubben Elsewhere (favorittklubben) på Gold Coast berre ei veke etter eg flytta heim frå Australia. Hugsa det var kjipt i og med at eg var superklar for å møte opp og eige dansegolvet, samt skryte over at eg var like norsk som DJ’en. Typisk (!) idé av meg.

Heldigvis fekk eg sjansen igjen. Natt til laurdag spelte Finn musikk i fire timar, og alt eg gjorde var å møte opp, sleppe håret laus og nyte.

March 28, 2017
/

24032017: oslo

pust oslo

Pust kafé på Majorstuen klokka 08:00; eit stort pusterom for å finne roen. Her åt eg heimelaga sandwich (med rosiner i – kjempegodt), og snakka om livet og ingenting med Nina og Anna. Pust inn, pust ut.

 

robot oslo

Grünerløkka og Robot-butikken. Hanne og eg vert heilt galne og prøver å finne den perfekte Levis 501-buksa. Så gjev me opp, og går laus på solbrillene i staden.

 

Vidare til Fru Hagen for lunsj og to koppar svart kaffi med Ingrid og Hanne. Der freista det med ein gigantisk salat beståande av honninggratinert chèvre, rødbeter, karamelliserte valnøter og spinat. Og toast. Kjempemasse toast, mmm! Dette var skikkeleg digg. Perfekt om ein ikkje vil bli supermett, men samtidig litt mett – om de forstår? Hehe.

 

Innsåg litt utpå dagen at eg hadde tatt med meg regnet frå Vestlandet. Heldigvis var Hanne og eg på veg til å hoppe på 31-bussen. Eller var det 21-bussen? Hehe. Eller kanskje var det 11-trikken? Hugser ikkje heilt, men det er kanskje ikkje så viktig uansett. Offentleg transport i Oslo er ikkje heilt mi greie endå. Er i byen så sjeldan at kvar gong eg er på besøk, har Oslo-hukommelsen svikta totalt. På grunn av dette, har eg bestemt meg for å ta turen til hovudstaden oftare.

Hadde ikkje sett desse herlege jentene sidan mai/juni i fjor. Likevel går samtalen som om at me var saman seinast for to veker sidan. Det er fint med det.

March 28, 2017
/

så kjære oslo

snow

Reiser vekk frå snøtoppane for nokre dagar, og over på andre sida. Ynskjer alle ein bra og fin og kul helg. Smask ♥♥♥

March 23, 2017
/

21032017: depression tuesday

depression tuesday

Hei! For de som vil vite meir om bloggkonseptet bak “depression tuesday”, har eg forklart dette i eit tidlegare blogginnlegg  (link). Kort fortald: songar som forfattaren av denne bloggen forbinder med gode tider. Håper tysdagen dykkar har vore fin ♥

 

Dagny – Backbeat
Dagnys “Backbeat” minner om den siste eksamensfesten i Volda. To venninner og eg slang oss rundt på låveloftet og dansa som nokre apekattar til denne songen (og ikkje minst “Toxic” av Britney Spears, haha). Har eit svakt minne om at eg fell ned på golvet, men sprett opp att på beina fordi eg var så overlukkeleg. Folk slo seg verkeleg lause – og kjekt var det!

 

Julie Bergan – Younger
Er det rart å mimre tilbake til påskeferien 2014? Har funne eitt blogginnlegg eg publiserte 21. april for tre år sidan: Bra avslutning på ein bra påskeferie (link). 2013/2014 var det fyrste året venninnegjengen ikkje lenger budde på same stad. Sjølv budde eg i Volda på denne tida, og eg hugsa kor kjekt det var å kome heim att til Voss og sjå alle igjen. “Younger” av Julie Bergan herja hitlistene på NRK P3, og eg var heilt hekta.

 

Bendik, Christine, Izabell, Julie Bergan, Silvana Imam, Stella Mwangi – Attitudeproblem (P3 Remix)
GRLPWR x 1000.

 

Trykk her for å abonnere på Spotify.

March 21, 2017
/

#feedgoals aka @alycealyce

alycealyce

alycealyce

#feedgoals aka @alycealyce – are you ready? Frå det tropiske surfelivet på Gold Coast, flytta ho til den urbane storbyen Melbourne i Australia. Der lev ho av å gjere dei to tinga ho elsker, “writing and fashion”, som ho nemner på heimesida hennar. Høyrest ut som #lifegoals, eller kva? Alyce Nicole Cowell ER goals (!).

 

Hei, og velkomen til ei verd av cocktails, dyre solbriller og “make-up on point”. For godt til å vere sant? Lat oss i alle fall hugse at Instagram er eit gigantisk samfunn som skrik “fake it till you make it”. For det australske motemagasinet Fashion Journal, deler nemleg Alyce hennar personlege “tips og triks” for å framstå som ein kulare person på Instagram (lenke). Det er altså ingen tvil om at det skjuler seg ein god del jobb bak bileta ho deler til hennar nesten 20 000 følgarar. Hard work pays off. Nyleg starta ho sitt eige digitale marknadsføringsbyrå som hjelper andre svoltne, kreative sjeler med å sjå bra ut på det store Internettet.

Om du er som meg, og har nokre gonger behov for å drøyme deg vekk i andre sine “perfekte” liv; sjekk ut Instagram-profilen til Alyce ved å trykke her.

 

alycealyce

March 19, 2017
/

I become a chameleon for wherever I am

(Innlegget inneheld annonselenker)

Jakka eg har på meg inne på det sjarmerande, offentlege dametoalettet er frå RAINS. Militær/kamuflasje-stilen kan ein leike seg med til det uendelege, meiner eg. I helga miksa og matcha eg regnjakka både til kjole, svart slengbukse og dongeri. Slik vert det når ein aldri heilt veit om det vert sol eller regn. #Vestlandet ass. Har lenka til nokre liknande jakker under. Elsk ♥

TWIST&TANGO: Lora Coat / Shlimp And Ulrich: Sometimes You Win Camo Jacket
VINTAGE: Army JacketDAGMAR: Becca Jacket

March 15, 2017
/

sogndal baby!

I helga tok eg turen til Sogndal for å besøke Hege under #VEKAO2017. Fy søren kor kjekt me har hatt det. Har framleis ein venstre fot som ikkje fungerer optimalt. Lommeboka er blitt tynnare. Døgnrytmen er ute av balanse. Men hallo – sååå verd det!

Vil tilbake A$AP!

March 14, 2017
/